Гуфтори Д. Коник дар бораи сарфаи нерӯи барқ

Душанбе, 17.04.2014. (АМИТ «Ховар,  Екатерина  Пасторова). —  Мушовири  бахши  стратегии Бонки  умумиҷаҳонӣ  Дмитрий  Коник, ки бо  даъвати  Ширкати саҳҳомии холдингии  кушодаи  «Барқи тоҷик»  барои боздиди расмӣ  ба  шаҳри  Душанбе   омадааст, зимни  сӯҳбат  бо  хабарнигори  АМИТ «Ховар» дар  мавриди  ҳалли  масоили  ҳамкории кормандони низоми энергетикии  кишвар  бо  истифодабарандагони  барқ нақл  кард.
Мавсуф   зикр  намуд, ки  мақсади  асосии  сафараш ба  Тоҷикистон  иборат  аз расонидани  кӯмак  ба ширкати «Барқи тоҷик» барои  роҳандозии  равобит бо истифодабарандагони  нерӯи барқ  аст.
— Имрӯз, ки  захираҳои нерӯи барқ кифоят  намекунанд, вазифаи  ширкати «Барқи тоҷик»  иборат аз  фаҳмонидани  ин  қазия ба аҳолии кишвар  аст, — қайд намуд  Дмитрий  Коник.
Хотирнишон  месозем, ки сафари  Дмитрий  Коник ба  Тоҷикистон  то  охири ҳафтаи  ҷорӣ давом  карда, номбурда  дар  ҷараёни он  бо намояндагони   вазорату  идораҳои  кишвар  мулоқот  анҷом  медиҳад.