Иқдоми хайриявии «АксесБонк»

Душанбе, 08.04.2014. (АМИТ «Ховар, Кристина  Эрлих). – «АксесБонки  Тоҷикистон» тасмим  гирифт, ки  чорумин  соли  таъсисёбиашро  бо  иқдоми  хайриявӣ  дар  хонаҳои  бачагон  ва кӯдакистону  мактабҳо қайд  намояд.  Дар  ин  бора  аз  Ҷамъияти саҳҳомии  пӯшидаи «Асесбонки Тоҷикистон» ба  АМИТ «Ховар»  хабар  доданд.
Мувофиқи  суханони  манбаъ, бонки  мазкур  тайи  моҳи  марти  соли  ҷорӣ  як  қисми фоидаи  қарзҳоро ба бунёди  хайрия  ворид  намуда,  баъдан  онро  барои  расонидани  кӯмаки  хайриявӣ  ба Кӯдакистони «Чашма» — и  шаҳри  Душанбе, Хонаи  кӯдакони  синни  томактабии  рақами 1  — и пойтахт,  Мактаб —  интернати  махсуси рақами  2  — и шаҳри  Душанбе, Хонаи бачагони  рақами  2 – и  пойтахт,  Мактаби  махс3си  шаҳри  Хуҷанд, Хонаи  кӯдакони  Турсунзода,  Кӯдакистони «Баҳористон» — и   шаҳри  Қӯрғонтеппа  истифода намуд. 
Ҷамъияти саҳҳомии  пӯшидаи «АксесБонк  Тоҷикистон»  ҳар   сол  бахшида ба рӯзи  таъсисёбиаш  иқдоми  хайриявиро  роҳандозӣ  мекунад.  Масалан, бонки  мазкур  соли  гузашта озмуни  расмҳои  кӯдаконро  ташкил  намуда,  аз рӯи  натиҷаи он  дар  мактабе, ки  хонандагонаш  ғолиби  он  гардида буданд, майдончаи  кӯдаконро  бунёд  намуд.