Ифтитоҳи меҳмонхонаи Хуҷанд — делюкс
Душанбе, 2.04.2014. (АМИТ «Ховар»).-Дар соҳили рости Сирдарё аз ҷониби Сарвари давлат Эмомалӣ Раҳмон меҳмонхонаи чаҳорошёнаи Хуҷанд – делюкс, ки аз ҷониби соҳибкори инфиродӣ Абдуқодир Абдураҳмонов ба маблағи 1,5 млн. сомонӣ бунёд гардидааст, мавриди баҳрабардорӣ қарор гирифт.
Тавре иттилоъ доданд, меҳмонхона бо 20 ҳуҷра дорои 35 кати хоб буда, дар он 30 нафар бо кори доимӣ ва маоши миёнаи 800 сомонӣ таъмин мешаванд.
Ҳуҷраҳои меҳмонхона бо сатҳу сифати баланд ба таври аврупоӣ ва миллии тоҷикӣ ороиш ёфта, бо мебели замонавӣ ҷиҳозонида шудааст.
Деворҳои ҳуҷраҳо бошад, бо расмҳои гуногуни табиати кишвар ва ба тарзи миллӣ ва аврупоӣ, инчунин панно – сӯзаниҳо оро дода шудааст.
Меҳмонхона, ҳамчунин дорои коргоҳи хушкашӯии сару либос ва тарабхона бо 80 ҷойи нишаст буда, ҳамаи хизматрасониҳо бо дараҷаи 4 ситора ба роҳ монда шудааст.
Дар ошёнаи якуми меҳмонхона дар пайравӣ ба ҳидоятҳои хайрхоҳонаи Сарвари давлат хатнасури 50 нафар писарчаҳо аз хонаводаҳои ниёзманд ороста шуд. Ба ҳар яки онҳо аз ҷониби Президенти кишвар Эмомалӣ Раҳмон туҳфаҳои арзишманд супурда шуд.
Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






