Исфара: гусели бошукӯҳи 100 нафар ба хизмати Ватан

Душанбе, 7.03.2014. (АМИТ «Ховар», Зарангези Латиф).-Дар мавсими даъвати баҳорона беш аз 100 нафар ҷавони шаҳри Исфара  ихтиёрӣ барои хизмати ҳарбӣ ба сафҳои Қувваҳои Мусаллаҳи Ҷумҳурии Тоҷикистон раҳсипор шуданд.
Тибқи иттилои мақомоти иҷроияи ҳокимияти давлатии шаҳри Исфара дар  марҳилаи нахусти сафарбаркунӣ ба сафҳои Қувваҳои Мусаллаҳи ҷумҳурӣ бо иштироки роҳбарияти шаҳр, намояндагони сохторҳои қудратӣ ва волидони даъватшавандагон чорабинии бошукӯҳ баргузор шуд.
Ба иттилои манбаи марбута, солҳои охир дар Исфара бори аввал дар марҳилаи нахусти сафарбаркунӣ теъдоди 100 нафараи ҷавонон ба сафи Қувваҳои мусаллаҳ сурат мегирад, ки ин шаҳодати болоравии ҳисси ватандӯстии ҷавонон мебошад.