Калашников, гург ва Марко Поло

Апрель 2, 2014 12:11

Хоруғ, 2.04.2014. (АМИТ «Ховар», Файз Мирасан).- Кормандони Раёсати Кумитаи давлатии амнияти миллии Ҷумҳурии  Тоҷикистон (КДАМ) дар ВМКБ аз аввали соли ҷорӣ то имрӯз силсилаи амалиёти фаврӣ-ҷустуҷӯиро анҷом дода, ба натиҷаҳои назаррас ноил  гардиданд. 
Ба таври мисол, аз шаҳрванди Ҷумҳурии Тоҷикистон, Имомбердиев Бекмамад Алибердиевич, соли таваллудаш 1966, зода ва истиқоматкунандаи деҳаи Бадчори ҷамоати деҳоти Ванқалъаи ноҳияи Шуғнони ВМКБ 1 адад автомати Калашников мусодира гардид. Номбурда сараввал аз додани яроқи оташфишон ҳарос  мекард, аммо пас аз гузаронидани корҳои фаҳмондадиҳӣ аз ҷониби кормандони амният Бекмамад Имомбердиев маҷбур шуд, ки рӯзи 11 марти соли 2014 яроқеро, ки дар махфигоҳи мавзеи кӯҳии ҷангалзор пинҳон карда буд, оварда ба дасти кормандони амният супорад. Ҳамин тавр, 1 адад автомати Калашников ва 1 адад тирдон, ки ғайриқонунӣ дар ихтиёри Бекмамад Имомбердиев нигоҳ дошта мешуд, мусодира шуд. Номбурда гуфт, ки яроқи мазкурро ба хотири тарсондани гургон пинҳон намудааст.
Ҳамчунин аз ҷониби кормандони Раёсати КДАМ зимни баргузории як амалиёти фаврию чустуҷӯӣ дар ҳудуди ноҳияи Мурғоби ВМКБ дар мавзеи «Реченой»-и ҷамоати Куна-Қурғани ноҳияи Мурғоб мошини рақами давлатиаш 21-71-01 РТ, ки таҳти идораи сокини деҳаи Кӯпрукбошии ноҳияи Мурғоб Мамадсейтов Камолиддин Абутолибович қарор дошт, мавриди боздошт қарор гирифт. Ҳангоми кофтукови зери курсиҳои пеши мошин 1 адад автомати Калашников ва 1 адад тирдон ошкор ва мусодира шуд. Муайян гардид, ки номбурда лавозимоти ҷангиро бе иҷозат ва ба таври ғайриқонунӣ бо мақсади  шикори гӯсфанди нодири Марко Поло  истифода мебурдааст.
Ҳамин тавр, дар семоҳаи якуми соли ҷорӣ дар натиҷаи пешбурди силсилаи чорабиниҳои фаврӣ-ҷустуҷӯӣ кормандони Кумитаи давлатии амнияти миллии Ҷумҳурии  Тоҷикистон дар ВМКБ аз шаҳрвандони вилоят дар маҷмӯъ 37 адад яроқи оташфишон, шумораи зиёди тирҳои қутрашон гуногун ва дигар лавозимоту муҳимоти ҷангиро ошкор ва мусодира намуданд. 

Апрель 2, 2014 12:11

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид