М. Муҳаммадиев рӯйхати бозингаронро эълон кард
Душанбе, 30.04.2014 (АМИТ «Ховар», Фарзонаи Давлат).-Мӯҳсин Муҳаммадиев, сармураббии дастаи мунтахаби миллии футболи Тоҷикистон рӯйхати бозингарони дастаро, ки ба бозии дӯстона бо тими мунтахаби Афғонистон даъват шудаанд, эълон кард.
Тавре ки Федератсияи футболи Тоҷикистон (ФФТ) хабар додааст, сармураббӣ Мӯҳсин Муҳаммадиев ба ҳайати дастаи мунтахаб 23 футболбозро даъват кардааст.
Ёдовар мешавем, ки бозии дӯстонаи тимҳои миллии Тоҷикистону Афғонистон рӯзи якшанбе , 4-уми май дар Варзишгоҳи марказии шаҳри Душанбе баргузор мешавад.