Махсусиятҳои даъвати ҳарбӣ дар Ёвон
Душанбе, 8.04.2014. (АМИТ Ховар, Елена Батенкова). — Даъвати баҳорӣ ба сафи Қувваҳои Мусаллаҳи Тоҷикистон 1 апрел оғоз гардид.
Аз оғози давраи даъвати баҳорӣ ба ноҳияи Ёвон ба хизмат 47 нафар фиристода шуд. 17 -18 апрел боз 55 нафар барои хизмат ба Қувваҳои Мусаллаҳи Тоҷикистон фиристода мешаванд. Айни ҳол ин ҷавонон дар Ҷамъияти Ихтиёрии Мададгори артиш ва флот (ҶИМАФ) маҳаллӣ таълим мегиранд. Пас аз анҷоми курсҳо онҳо соҳиби шаҳодатномаи ронандагӣ мегарданд.
Тибқи иттилои муовини раиси мақомоти иҷроияи ҳокимияти давлатии ноҳияи Ёвон Зумрат Бобошоева барои таҳсил дар ҶИМАФ ҷавонон аз оилаҳои камбизоат ҷалб гардидаанд. Барои таҳсили ҳар як даъватшуда аз 700 то 800 сомонӣ сарф мегардад.
Қайд кардан бамаврид аст, ки таҷрибаи мазкур дар Ёвон 5 сол боз истифода мегардад.Хотиррасон менамоем, ки 15 феврал Президенти Ҷумҳурии Тоҷикистон Эмомали Рахмон зимни ҷаласаи навбатӣ ба масоили тарбияи мутахассисону афсарон дар Қувваҳои Мусаллаҳи Тоҷикистон, ҳамчунин даъвати ҷавонон ба хизмати ҳарбӣ диққати хоса зоҳир намуд. Сардори давлат супориш дод, ки методҳои ғайриқонунии даъват ба Артиши миллиро барҳам диҳанд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
