Маъракаи гусели нахустин наваскарони ихтиёрӣ
Душанбе, 01.04.2014 (АМИТ «Ховар», Фарзонаи Давлат).- Даъвати баҳории наваскарон ба хизмати ҳатмии ҳарбӣ оғоз гардид ва дар робита ба ин имрўз дар ноҳияи Исмоили Сомонии пойтахт маъракаи гусели нахустин гурӯҳи 30 нафараи наваскароне, ки ихтиёрӣ ба сафи артиш мераванд, бо иштироки масъулин, фаъолону ҷавонон ва волидайни онҳо гузаронида шуд.
Тавре ки дар ин бора аз Кумитаи ҷавонон,варзиш ва сайёҳии назди Ҳукумати Ҷумҳурии Тоҷикистон хабар доданд, дар чорабинӣ инчунин раиси ноҳия А Қурбонов ва муовини раиси Кумитаи ҷавонон, варзиш ва сайёҳӣ Мавсума Муинова оид ба ҷасорату меҳанпарастии ҷавонон сухан гуфтанд.