Машварати китобдорон

Душанбе, 21.04.2014 (АМИТ «Ховар», Ситораи Боймурод).-  Рӯзҳои 15-ум ва 16-уми майи соли равон дуюмин конфронси ҷумҳуриявии «Сарватҳои иттилоотии китобхонаҳои Ҷумҳурии Тоҷикистон ва нақши онҳо дар рушди иқтисодиёт, инноватсия ва маърифати ҷомеа»  доир мегардад.
Тавре ки дар ин бора аз Китобхонаи давлатии патентию техникии Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон» хабар доданд, конфронси мазкур дар мавзӯи «Низоми фаъолияти китобхонаҳои электронӣ ва ташкили маъхазҳои иттилоотии интернетӣ дар китобхонаҳои Тоҷикистон» баргузор мешавад.
Гуфта мешавад, ки барои иштирок дар  кори конфронс 40 нафар роҳбарони китобхонаҳои ҷумҳурӣ даъват шудаанд.