ММ ҳамкориро бо ПА тавсеа мебахшад
Душанбе, 8.04.2014.(АМИТ «Ховар», Марзия Саидзода).-Дар доираи ҳамкориҳои байнипарлумонӣ дар Душанбе мулоқоти раиси Кумитаи Маҷлиси миллӣ оид ба ҳамоҳангсозии фаъолияти Маҷлиси миллӣ бо Маҷлиси намояндагон, ҳокимияти иҷроия, иттиҳодияҳои ҷамъиятӣ, воситаҳои ахбори омма ва робитаҳои байнипарлумонӣ Фарҳод Раҳимов бо вакили Парлумони Аврупо Анри Вебер, ки бо сафари корӣ дар Душанбе қарор дорад, доир гардид.
Зимни мулоқот ҷонибҳо доир ба таҳкими ҳамкориҳои парлумонӣ байни Маҷлиси миллӣ ва Парлумони Аврупо табодули назар карданд.