Муҳоҷирони заҳролудшуда муолиҷа ёфтанд

Душанбе, 28.04.2014. (АМИТ «Ховар», Лайло Тоирӣ).-Имрӯз, 28 апрел ҳамаи 16 муҳоҷири меҳнатӣ- шаҳрвандони Тоҷикистон, ки ҳафтаи гузашта бо нишонаҳои заҳролудшавӣ дар  беморхонаи вилоятии рақами 3 -и Челябинск бистарӣ гаштанд, муолиҷа ёфта, аз беморхона  ҷавоб  шуданд. 
Тавре ки  корманди Намояндагии Хадамоти муҳоҷирати Вазорати меҳнат, муҳоҷират ва шуғли аҳолии ҶТ дар ФР дар ҳавзаи федералии Урал Шоҳназар Табаров хабар дод, муҳоҷирони заҳролудшуда сокинони ноҳияҳои Ховалинг, Ҳамадонӣ, Кӯлоб ва Қӯрғонтеппа буда, дар яке аз корхонаи истеҳсолкунандаи  маҳсулоти оҳану бетони    шаҳри Челябинск фаъолият доштаанд. 
Дар натиҷаи тафтишҳо маълум гардид, ки дар хобгоҳи назди корхонае, ки муҳоҷирон зиндагӣ мекарданд, ҳамаи шароити зист муҳайё буда, тамоми хӯроквориҳо дар яхдон нигоҳ дошта мешуданд.