Муҳокимаи масъалаи захираҳои об дар ҷаласаи КБРУ

Душанбе, 02.04.2014. (АМИТ «Ховар,  Назир  Назиров). – Комиссияи байнидавлатӣ  оид ба рушди  устувори Осиёи  Марказӣ  дар  шаҳри  Душанбе  ба  кори  худ  шурӯъ  намуд. 
Дар  кори  комиссия  раиси Кумитаи ҳифзи   муҳити  зисти  назди Ҳукумати  Тоҷикистон  Хайрулло  Ибодзода, вазири ҳифзи  муҳити  Туркманистон  Бобогелди Аннабайрамов,  муовини  раиси Кумитаи   давлатии оид  ба  ҳифзи  муҳити  зисти  Ӯзбекистон  Камолиддин  Содиқов  иштирок  доштанд.
Дар  ҷараёни  мулоқот  пешниҳоди Комиссияи экологии  аврупоии СММ  дар  бораи ташкили  гурӯҳи  кории назди Комиссияи  байнидавлатӣ  оид ба рушди устувори Осиёи  Марказӣ мавриди  муҳокима  қарор  гирифт.
Мақсад  аз  ташкили гурӯҳи  корӣ  танзими  фаъолияти  якҷоя  барои   идораи сифати  захираҳои оби минтақаи Осиёи  Марказӣ ва таҳлили  чорабиниҳои  муштарак  ҷиҳати  мубориза бо  ифлосшавии  маҷрои  оби сарҳадот мебошад.