Мубориза бар зидди малах дар Вахш
Душанбе, 28.04.2014. (АМИТ «Ховар», Зарангези Латиф).-Мувофиқи маълумотҳои фаврии КВҶД «Мубориза бар зидди малах», дар ҷумҳурӣ майдони умумии паҳнгаштаи малахҳо 27 ҳазору 073 гектарро ташкил медиҳад, ки дар майдони 7679 гектари он коркарди кимиёвӣ гузаронида шудааст. Инчунин баҳри мубориза бар зидди малах 18 адад трактори дорупошӣ (ОВХ) ва дастгоҳи аэрозолӣ, 342 дорупошаки дастӣ ва моторӣ ва 947 нафар қувваи корӣ фаъолият дорад.
Паҳншавии малах бештар дар вилояти Хатлон ба назар расида, майдони 20740 гектар ва дар ноҳияҳои тобеи ҷумҳурӣ майдони 5590 гектарро ташкил медиҳад.
КВҶД «Мубориза бар зидди малах» дар айни замон барои мубориза бар зидди малах ба ноҳияҳои вилояти Хатлон 18 адад трактори дорупоширо сафарбар намудааст, ки ҳоло муташаккилона фаъолият доранд.