Мулоқоти Давлаталӣ Давлатзода бо интихобкунандагон

Душанбе, 30.04.2014. (АМИТ «Ховар», Ҳотами Шариф).-Имрӯз вохӯрии вакили Маҷлиси намояндагони Маҷлиси Олии Ҷумҳурии Тоҷикистон, раиси комисия оид ба одоби вакилон Давлаталӣ Давлатзода бо фаъолони ҷамоатҳои деҳоти Чоряккорон, Чортеппа ва   Навободи ноҳияи Рӯдакӣ баргузор гардид. Давлатзода мазмун ва муҳтавои Паёми Президенти Ҷумҳурии Тоҷикистон Эмомалӣ Раҳмонро ба ҳозирин фаҳмонда, иброз дошт, ки ин барнома ва дурнамои фаъолияти кории соҳаҳои гуногун дар солҳои минбаъда аст.
Ҳадафи асосиии Паём беҳтар кардании зиндагии мардум, рушди иқтисодиёт, беҳтар кардани сифати таълиму тарбия, аз тариқи илму техника  расидан ба ҳадафҳои стратегии мамлакат аст.
Вохӯрии вакили Маҷлиси намояндагон  Давлаталӣ Давлатзода дар дигар ҷамоатҳои ноҳияи Рӯдакӣ ва Варзоб идома дорад.