Мулоқоти М. Маҷидов бо донишҷӯёни спитаменӣ
Душанбе, 1.04.2014. (АМИТ «Ховар», Раъно Нусратуллозода).-Зимни мулоқот бо донишҷӯёни Донишгоҳи давлатии Хуҷанд ба номи академик Бобоҷон Ғафуров раиси ноҳияи Спитамен Муҳтадӣ Маҷидов доир ба мақому эътибори омӯзгор дар ҷомеаи имрӯза ҳарф зада, омӯзгорро боғбон унвон намуд, зеро вай низ дар давоми фаъолияташ муҳассилинро бо меҳр парвариш менамояд.
-«Дар давоми ду соли охир дар ноҳияи Спитамен беш аз 178 нафар мутахассиси ҷавон ба кор фаро гирифта шуд. Ба 10 нафар ҷавон соҳиби қарзҳои имтиёзнок дода шуд. Ба 23 нафар қитъаи замини наздиҳавлигӣ дода шуд»,-афзуд раис.
Муовини ректори Донишгоҳи давлатии Хуҷанд ба номи академик Бобоҷон Ғафуров Абдулфаттоҳ Раҳимов гуфт, ки тибқи дастури раиси вилояти Суғд Абдураҳмон Қодирӣ наздик ду моҳ инҷониб дар донишгоҳ вохӯрии раисони шаҳру навоҳии вилоят бо донишҷӯён — хатмкунандагони ихтисосҳои омӯзгорӣ сурат гирифта истодааст. Ин тадбир пеш аз ҳама баҳри фарогирии хатмкунандагон тибқи роҳхат ба ҷойи корӣ буда, баъдан кам кардани теъдоди омӯзгороне, ки бидуни маълумоти олӣ дар макотиби таҳсилоти ҳамагонии вилоят ба толибилмон дарс мегӯянд, ки мувофиқи омори расмӣ имрӯз беш аз 490 нафарро ташкил медиҳанд. Донишгоҳи давлатии Хуҷанд ба номи академик Б. Ғафуров дорои заминаи кофии тайёр намудани мутахассисони баландараҷаи соҳаи омӯзгорӣ буда, омодааст, ки дар тамоми мактабҳои таҳсилоти ҳамагонии вилоят кадрҳои баландихтисос дар ин самт тайёр намояд.
Дар охир ба 55 нафар донишҷӯён кӯмаки молӣ расонида шуд.
Дар ин бора роҳбари Маркази иттилоот ва таҳлили Раёсати донишгоҳ Маъмури Юсуфзод иттилоъ дод.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






