Мулоқоти Ш.Саид бо Д.Мезентсев
Душанбе, 18.04.2014. (АМИТ «Ховар, Кристина Эрлих). – Назар ба хабари маркази матбуоти ПСС ҶТ, 17 апрел раиси Палатаи савдо ва саноати Тоҷикистон, раиси Шӯрои соҳибкорони СҲШ Шариф Саид бо Дабири кулли СҲШ Дмитрий Мезентсев сӯҳбат намуд.
Ҷонибҳо дар ҷараёни сӯҳбат, ки дар фазои дӯстию ҳамфикрӣ сурат гирифт, перомуни арзёбии вазъу дурнамои фаъолияти Шӯрои соҳибкорони СҲШ табодули афкор намуданд.
— Созмони Ҳамкории Шанхай омили муҳими ҳамкории минтақавии иқтисодӣ гардида, Шӯрои соҳибкорони СҲШ бояд барои рушду густариши ҳамкории ҳамкории судманд ҳамаи чораҳои имконпазирро дида, ба таҳияи стратегияи рушди миёнамӯҳлати СҲШ то соли 2025 саҳми худро гузорад, — гуфт Дмитрий Мезентсев.
Ба гуфтаи Шариф Саид, Шӯрои соҳибкорон зимни фаъолияти худ ба иҷрои вазифаҳои мушаххаси бахши ҳамкории иқтисодӣ ва маблағғузорӣ, ҳамчунин имкониятҳои кишварҳои мушоҳиди назди СҲШ ва мушорикон ҷиҳати роҳандозии муколама барои ҷалби онҳо дар чорабиниҳои Шӯрои соҳибкорони СҲШ такя менамояд.
Шариф Саид ҳамчунин пешниҳод намуд, ки ҳамкории байни палатаҳои савдо ва саноати давлатҳои аъзои Созмони Ҳамкории Шанхай вусъвт дода шавад.