Мулоқоти Ш. Саид бо роҳбарияти ГШ «Таҷаддуд — Тоҷикистон»

Душанбе, 07.04.2014. (АМИТ «Ховар, Кристина  Эрлих). —  Чанде  пеш  раиси  Палатаи  савдо  ва  саноати  Тоҷикистон  Шариф  Саид  бо  директории  генералии  гурӯҳи  ширкатҳои «Таҷаддуд — Тоҷикистон»  Карэн Терренян, роҳбари Лоиҳаи «Таҷаддуд – Арабистони  Саудӣ – Туркманистон – Афғонистон —  Тоҷикистон»  Алексей  Токади  ва  роҳбари  маъмурияти «Таҷаддуд – Арабистони  Саудӣ – Туркманистон —  Афғонистон – Тоҷикистон»,  намояндаи Палатаи  савдо  ва  саноати  ҶТ  дар  Афғонистон Аҳлиддин  Шоев  сӯҳбат  намуд. 
Тавре  ки  аз ПСС ҶТ ба  АМИТ «Ховар»  хабар  доданд,  дар  ҷараёни  сӯҳбат  масоили  рушду  густариши  ҳамкории  дуҷониба  дар  бахши  сохтмони  роҳҳо ва  нақбу  пулҳо, ҳамчунин   эъмори муассисаю  корхонаҳои  саноатӣ  мавриди  муҳокима  қарор  гирифтанд. 
Зикр  шуд, ки  Ҳукумати  Тоҷикистон  ба  бозори  Тоҷикистон   ворид  шудани  гурӯҳи  ширкатҳои «Таҷаддуд» — и  Русияро  ба  дараҷаи  баланд  арзёбӣ  менамояд. Тоҷикистон роҳҳои  мошингард  ва  пулу   нақбҳоро  бо  суръати  баланд  бунёд  мекунад. Мувофиқи  суханони раиси  ПСС ҶТ,  ҳамаи  ин  натиҷаи  ба  шабакаи  ҷаҳонии боркашонии  автомобилӣ   ворид  шудани  кишвар  аст. 
Раиси ПСС ҶТ  ҳамчунин  изҳор  дошт, ки  дар  оянда  таъсис  додани  Шӯрои аҳли тиҷорати  Русия  ва Тоҷикистон ба  рушди  ҳамкории  дуҷониба,  ба бозори  Тоҷикистон  ворид  шудани ширкатҳои  боэътимоди  Русия,  татбиқи лоиҳаҳои  муштарак, бунёди  корхонаҳои  муштарак  ва  ғайра  мусоидат  хоҳад  кард.