Мулоқоти вакилон бо интихобкунандагон
Шаҳринав, 29.04.2014. (АМИТ «Ховар», Ҳотами Шариф).-Имрӯз дар ноҳияи Шаҳринав вохӯрии вакилони МН МО ҶТ Маҳмадшариф Ҳақдодов ва Сабоҳат Муқумова бо фаъолони ноҳия доир гардид.
Вакилони Маҷлиси намояндагон муҳтавои Паёми Президенти ҶТ Эмомалӣ Раҳмонро шарҳу эзоҳ дода, дар бораи фаъолияти вакилони Маҷлиси намояндагон, қабули қарору қонунҳои ба талаботи замона ҷавобгӯй маълумоти муфассал доданд.
Таъкид шуд, ки баҳри таъмини заминаи ҳуқуқии фаъолият дар самтҳои рушди саноати кишоварзӣ, соҳибкорӣ ва илму маориф саъю кӯшиши зиёд ба харҷ дода мешавад.