Муноқишаи аъзои Ҳизби Наҳзати Ислом дар Хоруғ
Душанбе. 30.04.2014. (АМИТ «Ховар», Муқаддас Темурзода).- Мувофиқи гузориши корманди шуъбаи корҳои дохилии шаҳри Хоруғ рӯзи 28 апрел, соати 14:00, дар утоқи кории Ҳизби Наҳзати Ислом дар шаҳри Хоруғ, миёни аъзои ҳизби номбурда муноқиша ба қайд гирифта шуд.
Дар ин бора сомонаи расмии ВКД хабар медиҳад.
Тибқи иттилоъ, ҳангоми тафтиши милитсия маълум гардид, ки миёни муовини аввали раиси Ҳизби Наҳзати Исломии Ҷумҳурии Тоҷикистон Саидумари Ҳусайнӣ ва собиқ раиси Ҳизби Наҳзати Исломӣ дар шаҳри Хоруғ Булбулов Асрор Имомбердиевич ва аъзои ин ҳизб муноқиша ба миён омадааст.
«Собиқ раиси Ҳизби Наҳзати Исломӣ дар шаҳри Хоруғ Булбулов Асрор Имомбердиевич ба кормандони милитсия арз намуд, ки муовини аввали раиси Ҳизби Наҳзати Исломии Ҷумҳурии Тоҷикистон Саидумари Ҳусайнӣ ва раиси дастгоҳи Ҳизби Наҳзати Исломии Ҷумҳурии Тоҷикистон Шонаими Карим ба воситаи баромади худ дар дигар минтақаҳо мардуми Бадахшонро бо гапҳои пасту баланд таҳқир намудаанд. Бинобар ин, мо аъзои Ҳизби Наҳзати Ислом ба Бадахшон рафта, ӯро маҷбур сохтем, ки аз мардуми Бадахшон узр пурсад»,- зикр менамояд сарчашма.
Ҳамчунин манбаъ таъкид менамояд, ки худи муовини аввали раиси Ҳизби Наҳзати Исломи Ҷумҳурии Тоҷикистон Саидумари Ҳусайнӣ ва раиси дастгоҳи Ҳизби Наҳзати Исломии Ҷумҳурии Тоҷикистон Шонаими Карим ба ШВКД ҳозир нашуданд ва ягон арзу шикоят накарданд.
Оид ба маводи ҷамъовардашуда қарори лозимӣ қабул гардида, барои мувофиқа ба Прокуратураи шаҳри Хоруғ фиристода шуд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






