Мусобиқаи ҷумҳуриявии варзиши сабук миёни наврасон

Душанбе, 30.04.2014. (АМИТ «Ховар», Ситораи Боймурод).- Аз 1-ум то 2-юми  майи соли равон  дар шаҳри Душанбе мусобиқаи ҷумҳуриявии варзиши сабук байни наврасони соли таваллуди 1995-1999 доир мегардад.
Дар чорабинӣ ширкати ҳайати дастаҳои ВМКБ, Хатлон, Суғд, шаҳру навоҳии тобеи марказ, минтақаи Рашт дар назар аст.
Мақсад аз баргузории чорабиниҳо оммавияти варзиш, ҷалби бештари наврасону ҷавонон ба варзиш ва тарғиби тарзи ҳаёти солим, дар маҷмӯъ рушду густариши тарбияи ҷисмонӣ ва варзиш дар кишвар  мебошад,- иттилоъ доданд аз Кумитаи ҷавонон, варзиш ва сайёҳӣ.