Мувофиқаи барномаҳои миёнамуҳлат
Душанбе, 17.04.2014. (АМИТ «Ховар», Лайло Тоирӣ).- 16 апрели соли равон дар Вазорати рушди иқтисод ва савдо вохӯрии муовини аввали вазир Неъматҷон Бӯриев бо ҳайати коршиносони Бонки рушди Авруосиё-мудирияти маблағҳои Хазинаи зиддибуҳронӣ таҳти роҳбарии Алишер Мирзоев баргузор гардид.
Дар вохӯрӣ натиҷаҳои рушди иҷтимоию иқтисодии ҷумҳурӣ дар соли сипаригашта, омилҳои асосии рушди иқтисодиёти кишвар, дурнамои рушди иқтисодиёт дар ояндаи миёнамуҳлат, ислоҳот ва дигаргуниҳо баъди воридшавии Ҷумҳурии Тоҷикистон ба Созмони Ҷаҳонии Савдо, фаъолияти бонкҳо ва низоми қарздиҳӣ мавриди баррасӣ қарор гирифт.
Бино ба маълумоти дафтари матбуоти вазорат, тарафҳо азми қавии худро ҷиҳати густариши минбаъдаи ҳамкориҳо барои мувофиқа намудани барномаҳои миёнамуҳлат баён доштанд ва дар назар аст, барои татбиқи онҳо аз ҷониби Хазинаи зиддибуҳронӣ қарзи молиявӣ пешниҳод шавад.