Намоиши аксҳои Агентии иттилоотии «Синхуа»
Душанбе, 30.04.2014. (АМИТ «Ховар», Раъно Нусратуллозода).- Имрӯз дар Китобхонаи миллии Тоҷикистон бо ибтикори Агентии иттилоотии «Синхуа», Маркази Конфутсия дар назди Донишгоҳи миллии Тоҷикистон, Ҷамъияти дӯстии «Тоҷикистону Чин», Корхонаи муштараки «Зарафшон», ҶДММ «Хуасин Ғаюр Семент» таҳти унвони «Дурнамои рушди роҳи нави абрешим» намоиши аксҳо доир гардид. Дар маросими кушодашавии намоишгоҳ Сафири Фавқулода ва Мухтори Ҷумҳурии мардумии Чин дар Тоҷикистон Фан Сянжун, ҷонишини директори генералии Агентии иттилоотии «Синхуа», вазири фарҳанги Ҷумҳурии Тоҷикистон Шамсиддин Орумбеков, муовини аввали вазири маориф ва илми ҷумҳурӣ Раҳматулло Мирбобоев ва дигарон иштирок намуданд.
Дар ҷамъомад ректори Донишкадаи забонҳои Тоҷикистон ба номи Сотим Улуғзода Хуршед Зиёев ва Сафири Фавқулода ва Мухтори Ҷумҳурии Мардумии Чин дар Ҷумҳурии Тоҷикистон Фан Сянжун ва директори Китобхонаи миллии Тоҷикистон Носирҷон Салимов дар мавриди ҳадафи баргузории намоиши аксҳо сухан гуфта, зикр намуданд, ки Чин шарики боэътимоди стратегии Тоҷикистон мебошад. Ҳамкориҳои Тоҷикистону Чин дар соҳаи фарҳанг ва маориф тараққӣ ёфта, муносибатҳои дӯстии байни ин ду кишвар боз ҳам қавитар мегарданд. Инчунин сафир афзуд, ки: «Ман бо минтақаҳои озоди иқтисодии Тоҷикистон ошно шудам ва дар оянда Тоҷикистон метавонад аз нафту сӯзишвории босифати худ истифода барад. Мо дар Тоҷикистон бо лоиҳаҳои бисёре дар соҳаи энергетика ва саноат кор карда истодаем».
Дар намоиши имрӯзаи Агентии иттилоотии Синхуа аксҳо аз муносибатҳои дипломатӣ, ҳамкориҳо дар соҳаҳои иқтисодиву фарҳангӣ ва сиёсии ду кишвар ба намоиш гузошта шуданд.
Мавриди зикр аст, ки Агентии иттилоотии «Синхуа» ин агентии расмии Ҳукумати Ҷумҳурии Мардумии Чин, маркази калони иттилоот ва муошират мебошад . Имрӯз агентӣ дар дар тамоми ҷаҳон бо ҳафт забон иттилоотро паҳн менамояд.
Ёдовар мешавем, ки дар Китобхонаи миллии Тоҷикистон гӯшаи фарҳангии Чин фаъолият дорад, ки ҳамагонро бо фарҳанг, тамаддун ва таърихи бои ниёгони мардуми Чин ошно месозад.
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
