Нархи чиптаҳои Сирки давлатӣ муайян шуд
Душанбе, 04.04.2014. (АМИТ «Ховар, Екатерина Пасторова). — Мувофиқи маълумоти роҳбарияти Сирки давлатии Тоҷикистон, арзиши чиптаҳои намоиши ҳунармандони сирки филҳои Лаҳистон аз 20 то 80 сомониро ташкил медиҳад.
Тавре ки дар Сирки давлатӣ изҳор доштанд, «арзиши чиптаҳо вобаста ба қатору бахшҳои толори бинои сирк буда, нархи қаторҳои аввали толор 80 сомонӣ, мобайни толор 40 сомонӣ, гӯшаҳои он 30 сомонӣ ва қаторҳои ақиби он 20 сомониро ташкил медиҳанд».
Фурӯши чиптаҳо аллакай оғоз ёфтааст. Хотирнишон месозем, ки нахустнамоиши ҳунармандони сирки Лаҳистон 5 апрел оғоз ёфта, то 18 май давом мекунад.