Оғози «Ҳафтаи китоби кӯдакону наврасони Тоҷикистон»
Душанбе, 02.04.2014. (АМИТ «Ховар», Раъно Нусратуллозода) — Имрӯз дар Китобхонаи давлатии бачагонаи ҷумҳуриявии ба номи Мирсаид Миршакари шаҳри Душанбе бо иштироки вазири фарҳанги Ҷумҳурии Тоҷикистон ва аҳли илму адаб, намояндагони Вазорати маориф ва илм ва макотиби таҳсилоти миёнаи умумӣ Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз гардид.
Тавре ки аз Маркази матбуоти Вазорати фарҳанги Ҷумҳурии Тоҷикистон иттилоъ доданд, тибқи барнома чорабиниҳои фестивали мазкур тӯли як ҳафта дар тамоми шаҳру ноҳияҳои ҷумҳурӣ идома хоҳанд ёфт.