Оғози корҳои мумфаршкунӣ дар Хуҷанд
Хуҷанд, 1.04.2014. (АМИТ “Ховар”, Абдуаҳад Шарифзода).-Дар маркази вилояти Суғд- шаҳри Хуҷанд корҳои мумфаршкунии роҳҳо оғоз ёфтанд. Аз рӯзҳои офтобии фасли баҳори нозанин истифода бурда, соли равон корҳои мумфаршкунии роҳҳо аз қисми ҷанубу ғарбии шаҳр, аз назди автовокзали кӯҳна, кӯчаҳои ба номи Бахтиёр Ёқубов ва Баракат Бобоева, ки қариб ду даҳсола таъмир нашуда буданд, оғоз шуданд.
Дар оғози мумфаршкунии роҳи мазкур раиси шаҳри Хуҷанд Раҷаббой Аҳмадзода иштирок намуда, таъкид дошт, ки соли ҷорӣ дар дигар кӯчаву маҳаллаҳо низ чунин корҳо ба анҷом мерасанд. Масоҳати роҳи мумфаршшавандаи кӯчаи Бахтиёр Ёқубов 2 ҳазор м2 ва кӯчаи Баракат Бобоева зиёда аз 850 м2-ро ташкил медиҳад.
Ҳамчунин дар паҳлӯи ин роҳ маркази савдои замонавӣ қомат афрохта истодааст, ки ба ҳусни шаҳр намуди дигаре зам намуда, бо бунёди он 35 нафар бо ҷойи кор ва 20 оила бо хонаи истиқоматӣ таъмин хоҳад шуд.