Озмуни “Ҳифз ва қироати Қуръони карим” дар Душанбе

Душанбе, 12.03.2014. (АМИТ «Ховар», Мавҷуда Анварӣ). –  Донишкадаи исломии Тоҷикистон ба номи Имоми Аъзам-Абўҳанифа  аз 30 апрел то 2 майи соли ҷорӣ озмуни навбатии ҷумҳуриявии “Ҳифз ва қироати Қуръони карим”-ро дар шаҳри Душанбе баргузор менамояд. Дар ин бора Изатулло Давлатов, корманди Донишкадаи исломии Тоҷикистон ба АМИТ «Ховар» хабар дод. 
Ин озмун дар 5 бахш, аз ҷумла «ҳифзи кулли Қуръони карим бо риояи таҷвиду тафсири сураи “Бақара” ва “Оли Имрон”, ҳифзи кулли Қуръони карим бо зикри номи сураву рақами оят ва саҳифа, ҳифзи кулли Қуръони карим ва ҳифзи матни “Чиҳил ҳадис”-и Имом Нававӣ, ҳифзи кулли Қуръони карим бо риояи таҷвид ва ҳифзи 20 ҷузъи Қуръони карим барпо мешавад.»
Донишкадаи исломии Тоҷикистон, ки яке аз ташаббускорони озмун аст, ғолибонро бо туҳфаҳои хотиравӣ қадрдонӣ хоҳад кард.
Хоҳиш мандон метавонанд ҳуҷҷатҳои худро то рӯзи 25 апрел ба Донишкадаи исломӣ пешниҳод намоянд.