Паём тараннумгари ормонҳои миллист

Апрель 25, 2014 15:25

    Душанбе, 25.04.2014.(АМИТ «Ховар», Марзия Саидзода).- Кормандони Ҷамъияти дӯстӣ ва равобити фарҳангии Тоҷикистон бо кишварҳои хориҷӣ Паёми Президенти ҷумҳурӣ Эмомалӣ Раҳмон ба Парлумони кишварро сармашқи кор  худ қарор медиҳанд.  Дар ҷаласае, ки дар ҷамъияти мазкур доир гардид, таъкид шуд, ки муҳтаво ва мазмуну моҳияти Паёми имсолаи Президенти Ҷумҳурии Тоҷикистон ба Маҷлиси Олии кишвар ниҳоят баланд буда, фарогири тамоми мавзуоти марбут ба рушди соҳаҳои ҳаёти сиёсию иқтисодӣ ва иҷтимоию фарҳангии кишвар аст. 
     Оғоз намудани Паёми имсола бо сарсухан доир ба бистумин солгарди қабули нахустин Конститутсияи Ҷумҳурии Тоҷикистон, ки ҳуҷҷати сарнавиштсози миллат маҳсуб меёбад, ба мақсад мувофиқ аст, зеро  бинобар суханони Сарвари Давлат: «Конститутсия ҳамчун бахтномаи миллат ва санади бунёдии сиёсӣ роҳи минбаъдаи пешрафту тараққиёти давлати озоду демократии моро муайян менамояд».  
   Дар ҷаласа ба ишораҳои Сарвари Давлат дар Паём ба соҳаи фарҳанг ва тараннуми дӯстӣ, ки як бахши умдаи фаъолияти Ҷамъияти дӯстист,  мароқ зоҳир карда шуд. Таъкид гардид, ки дар Паёми навбатии Президенти  кишвар доир ба соҳаи фарҳанг ва ҳамкориҳои фарҳангии Тоҷикистон бо кишварҳои хориҷӣ низ изҳори андеша сурат гирифт. Кормандони ҷамъияти дӯстӣ  зикр намуданд, ки Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олии кишварро  барномаи амалии худ қарор дода, фаъолияти худро тибқи нишондоди он роҳандозӣ менамоянд. Таъкид гардид, ки вазифаи кормандони Ҷамъияти дӯстӣ тибқи самтҳои асосии марҳалаи имрӯзаи рушди давлатдориамон, ки дар Паём оварда шудааст, густариши фарҳанги сулҳ ва тақвияти ваҳдату ризоияти миллӣ аст. 
   «Мо муваззаф ҳастем, ки тавассути ривоҷи муносибатҳои ҳасанаи фарҳангӣ бо кишварҳои хориҷӣ, таҳкими сулҳу дӯстӣ дар байни қишрҳо ва миллатҳои гуногуни Тоҷикистон дар осоиштагиву ободии кишвар, амну субот саҳми худро ҳарчи бештар гузорем», таъкид намуданд кормандони Ҷамъияти дӯстӣ.

Апрель 25, 2014 15:25

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид