Рӯзноманигори швейтсаргӣ дар меҳмонии АНМН
Душанбе, 18.04.2014. (АМИТ «Ховар», Мавҷуда Анварӣ).- 17 апрели соли ҷорӣ директори Агентии назорати маводи нашъаовар (АНМН)-и назди Президенти ҶТ Рустам Назаров рӯзноманигори швейтсарӣ Андре Видмарро, ки як силсила агентиҳои мустақили итттилоотии аврупоӣ, аз ҷумла нашрияи олмонии “Нойес Дойчланд”-ро намояндагӣ менамояд, ба ҳузур пазируфт.
Зимни вохӯрӣ Р. Назаров оид ба вазъи вобаста ба маводи нашъаовар дар Тоҷикистон, Афғонистон, минтақаи Осиёи Марказӣ, сарҳади Тоҷикистону Афғонистон ва нақши Тоҷикистон дар низоми байналмилалии мубориза бар зидди маводи нашъаовар нақл намуд.
Роҳбари агентӣ оид ба натиҷаҳои вохӯрии байналмилалии “Муколамаи Душанбе” бо иштироки вазирон-сарони мақомоти зиддимухаддиротии Афғонистон, Эрон, Чин, Қирғизистон, Покистон, Русия, ИМА, Тоҷикистон, Туркманистон, Туркия ва Ӯзбекистон оид ба масъалаҳои муқовимат бо муомилоти ғайриқонунии маводи мухаддир, арзёбӣ ва пешгӯии инкишофи вазъи нашъмандӣ дар минтақа иттилоъ дод.
Пас аз вохӯрӣ рӯзноманигор бо кори ташхиси судӣ шинос шуда, аз анбори нигоҳдории маводи нашъаовар дидан намуд.