Р. Давлатзода: «Ман дастпарвари донишгоҳи шумоям»
Душанбе, 16.04.2014. (АМИТ «Ховар», Раъно Нусратуллозода).-«Омӯзгорӣ касби пуршараф аст, ман дастпарвари факултаи суханшиносии Донишгоҳи давлатии Хуҷанд ҳастам ва имрӯз ҳам барои донишҷӯён дар ин донишгоҳ дарс мегӯям»,-гуфт зимни мулоқот бо муҳассилини ин донишгоҳ раиси шаҳри Чкалов Рухсора Давлатзода.
Мавсуф зикр намуд, ки хатмкунандагони риштаи омӯзгории донишгоҳҳо бояд сарбаландона ба зодгоҳашон рафта, ба толибилмон дарс гӯянд, шогирдони зиёдеро тарбия намоянд, зеро маориф яке аз самтҳои афзалиятноки сиёсати давлат эътироф гаштааст. Дар шаҳри Чкалов тамоми шароитҳо барои мутахассисони ҷавон муҳайё гардида ва онҳо зери таваҷҷуҳи доимӣ қарор доранд. Мо ба омӯзгорони фанҳои дақиқ, забони русӣ бештар эҳтиёҷмандем. Ва омода ҳастем, ки роҳкирои омӯзгоронеро, ки аз дигар шаҳру навоҳӣ меоянд, ҷуброн намоем.
Муовини ректори донишгоҳ оид ба корҳои тарбия Муъминҷон Шамсиддинов иттилоъ дод, ки имрӯз дар шуъбаи рӯзона ва ғоибонаи факултаҳои мухталифи донишгоҳ 208 нафар донишҷӯ аз шаҳри Чкалов таҳсил мекунад. Соли равон 18 нафар донишҷӯи ин шаҳр аз тариқи буҷавӣ риштаи омӯзгориро хатм менамояд.
Тавре ки сардори Маркази иттилоот ва таҳлили Раёсати Донишгоҳи давлатии Хуҷанд ба номи академик Бобоҷон Ғафуров Маъмури Юсуфзод иттилоъ дод, дар мулоқот донишҷӯён мушкилот ва пешниҳодоти судманди хешро ба Рухсора Давлатзода баён доштанд. Дар анҷоми мулоқот ба як гурӯҳ донишҷӯёни эҳтиёҷманд кумаки молӣ расонида шуд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






