Русия омодаи дастгирии соҳаи туризми Тоҷикистон аст
Душанбе, 11.04.2014.(АМИТ «Ховар», Зарангези Латиф).- Имрӯз дар Китобхонаи миллии Тоҷикистон мулоқоти раиси Кумитаи ҷавонон, варзиш ва сайёҳӣ Маликшо Неъматов бо муовини директори генералии ширкати “Аргументы и факты” Марина Маракушина баргузор шуд.
Зимни мулоқот ҷонибҳо рушди туризм ва тарғибу ташвиқи захираҳои туристии ҷумҳурӣ дар чанд соли охирро баррасӣ намуданд.
Зикр гардид, ки ҷониби Русия барои боз ҳам пурқувват гардидани соҳаи туризм дар Тоҷикистон изҳори омодагӣ намуда, мавқеи Тоҷикистонро дар бозори ҷаҳонии туристӣ пурқувват гардонида, барои афзоиши боздиди дўстдорони сайру саёҳат аз минтақаҳои гуногуни ҷаҳон мусоидат менамояд.