СААД муборизаро бо таҳдидҳои ҷаҳони муосир тақвият мебахшад

Апрель 17, 2014 15:06

    Душанбе, 17.04.2014.(АМИТ «Ховар», Марзия Саидзода).-Имрӯз дар шаҳри Санкт-Петербурги Русия ҷаласаи Шӯрои Ассамблеяи  парлумонии Созмони аҳдномаи амнияти дастаҷамъӣ /СААД/  баргузор гардид, ки дар он ҳайати парлумонии Тоҷикистон таҳти роҳбарии Шукурҷон Зуҳуров-раиси Маҷлиси намояндагони  Маҷлиси Олии Ҷумҳурии Тоҷикистон иштирок намуд.
   Дар назди ҳайатҳои парлумонии СААД Шукурҷон Зуҳуров -раиси Маҷлиси намояндагони Маҷлиси Олии ҷумҳурӣ суханронӣ намуда, гуфт, ки СААД, алҳол сиёсати фаъолро бо омилҳои зиёди ҷаҳони муосир  пеш бурда истодааст. 
   Таъкид гардид, ки бо ташаббуси СААД неруҳои дастаҷамъонаи эътинои фаврӣ таъсис дода шуданд, ки вазифаи онҳо инъикоси агрессияи низомӣ ва гузаронидани амалиёти махсус дар мубориза бар зидди зуҳуроти номатлуб, хусусан терроризми байналмилалӣ ва дигар ҷиноятҳои фаромарзист. Раиси палатаи поёнии Парлумони Тоҷикистон таваҷҷуҳи иштирокдорони ҷаласаро  ба таҳкими марзи Тоҷикистону Афғонистон бо истифода аз иқтидори СААД ҷалб намуда, гуфт, ки   рисолати СААД таъмини субот ва амният дар марзҳои кишварҳои аъзои ин созмони бонуфузи сиёсию низомист. Зикр шуд, ки авзои феълии минтақа ва ҷаҳон, инчунин дигар таҳдиду изтиробҳои ҷомеаи муосир кишварҳои аъзои СААд-ро водор месозад, ки дар самти таъмини субот ва амнияти минтақа,  инчунин ҳифзи истиқлолияти ҳудудию давлатии худ тадбирҳои зарурӣ андешида, ҳамкориҳоро тақвият бахшанд. 
        Дар ҷаласаи Шӯрои Ассамблеяи парлумонии СААД ҳамзамон масоили марбут ба фаъолгардонии нақши ин созмони сиёсию низомӣ дар мубориза алайҳи терроризм, ифротгароӣ, гардиши ғайриқонунии маводи мухаддир, яроқ ва муҳоҷирати ғайриқонунӣ, таҳкими ҳамкориҳои ҳарбӣ-техникӣ ва соири масоили марбут ба ҳамкориҳои кишварҳои узви СААД матраҳ гардиданд.

Апрель 17, 2014 15:06

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид