Сафари 700 ҳазор нафар хориҷиён ба ФР манъ шуд

Душанбе, 08.04.2014. (АМИТ «Ховар,  Лайло  Тоирӣ). – Назар  ба  изҳороти  Хадамоти  федералии  муҳоҷирати  Русия сафари   қариб  700  ҳазор нафар   шаҳрвандони  хориҷӣ  ба  Русия  манъ  шудааст. 
«То имрӯз  Хадамоти федералии  муҳоҷирати  ФР  барои  риоя  нашудани қонунгузории  Русия сафари 685 ҳазор нафар  шаҳрвандони хориҷиро  ба Федератсияи  Русия  манъ  кардааст», —  изҳор  дошт  ба  Агентии «Интерфакс»  корманди хадамоти  матбуоти  муассисаи  мазкур. Мавсуф  зикр  намуд, ки  сабабҳои  асосии маҳдуд  намудани  сафар  ба Федератсияи  Русия рух додани ду ва бештар аз  он қонуншиканӣ  ва назар  ба  мӯҳлати  муқаррнамудаи қонун  бештар  дар  ин  кишвар  сукунат  доштани шаҳрвандони хориҷӣ  аст.
Дар  Хадамоти  федералии  муҳоҷират  ҳамчунин  изҳор  доштанд, ки хориҷиёни гунаҳкор бо  қарори  судҳо  дар  марказҳои  махсус  нигоҳ дошта  мешаванд. Алҳол  дар  қаламрави  Федератсияи  Русия 75 чунин муассисаҳои  махсуси  Хадамоти  федералии  муҳоҷират  мавҷуданд.