Шаҳрдорӣ ба ғолибони озмунҳо ҷоиза месупорад
Душанбе, 19.04.2014.(АМИТ «Ховар», Марзия Саидзода).- Чун анъанаи солҳои пешин шанбеи сеюми моҳи апрел дар Тоҷикистон Рӯзи пойтахт таҷлил мешавад. Рӯзи пойтахт имсол дар фазое таҷлил мегардад, ки аз таъсиси шаҳри Душанбе ҳамчун пойтахти Ҷумҳурии Тоҷикистон 90 сол сипарӣ мегардад.
Ба ифтихори Рӯзи пойтахт имрӯз дар боғҳои фарҳангу фароғатии ба номи С. Айнӣ, «Дӯстии халқҳо», «Кӯли ҷавонон» ва майдони «800-солагии Маскав» сайругашти оммавии сокинон ва меҳмонони пойтахт, маҳфилҳои шеъру суруд баргузор гардида, намоиш ва фурӯши маҳсулоти қаннодию кулчагӣ ташкил мешавад.
Инчунин дар ин рӯз бо иштироки шаҳрдори Душанбе Маҳмадсаид Убайдуллоев зимни баргузории маҷлиси идона озмунҳои «Маҳаллаи беҳтарин», «Беҳтарин муассисаи тандурустии пойтахт», «Беҳтарин муассисаи фарҳангии пойтахт», «Беҳтарин нозири мантақавии сол», «Ҳавлирӯби беҳтарини пойтахт», «Мактаби сол-2013», «Директори сол-2013», «Муаллими сол-2013», «Кӯдакистони сол-2013», «Мудири кӯдакистони сол-2013», «Мураббии сол-2013», «Синфи беҳтарини сол-2013», «Соҳибкори беҳтарини пойтахт дар соли 2013» ҷамъбаст гардида, ғолибон бо туҳфаҳо сарфароз гардонида мешаванд.
Бобати хотирмон таҷлил намудани Рӯзи пойтахт шоми имрӯз дар Боғи Наврӯзгоҳи Душанбе бо иштироки устодони санъат ва ситораҳои эстрадаи тоҷик барномаи фарҳангию мусиқӣ пешкаши сокинон ва меҳмонони пойтахт гардонида мешавад.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






