Шариф Саид сафири Малайзияро ба ҳузур пазируфт
Душанбе, 25.04.2014. (АМИТ «Ховар», Кристина Эрлих). — Раиси Палатаи савдо ва саноати Тоҷикистон Шариф Саид, 24 апрел Сафири Фавқулодда ва Мухтори Малайзия дар Ҷумҳурии Тоҷикистон (бо қароргаҳаш дар Тошкент) Абдуло Азиз бини Ҳарунро ба ҳузур пазируфт.
Тавре аз маркази матбуоти ПСС ба АМИТ «Ховар» иттилоъ доданд, зимни сӯҳбат ҳолат ва дурнамои ҳамкориҳои тиҷоратию иқтисодии Тоҷикистону Малайзия, ҳамчунин ҳамкорӣ дар соҳаҳое, ки Малайзия таҷрибаи бойро доро буда барои Тоҷикистон манфиатовар аст: инфрасохтор, дорусозӣ, ҳамкории давлатию хусусӣ, туризм, маориф, инчунин масоили ҳавасмандгардонии ҳамкориҳои тиҷоратии сохторҳои ду давлат мавриди баррасӣ қарор гирифтанд.
Мусоҳибон ҳамчунин масоили дар пешистодаи ташкили бизнес форуми ҳайати соҳибкорони Тоҷикистон ва Малайзия, ки дар Куала — Лумпур баргузор мегардад, муҳокима намуданд.