Шумораи нашъаҷаллобони хориҷӣ меафзояд

Душанбе, 05.04.2014. (АМИТ «Ховар», Муқаддас Темурзода).-«Шумораи бештари хориҷиёнро, ки дар Ҷумҳурии Тоҷикистон барои содир намудани ҷиноятҳои мухаддиротӣ дастгир шудаанд, шаҳрвандони Ҷумҳурии Исломии Афғонистон ташкил медиҳад»,-иттилоъ медиҳад Агентии назорати маводи нашъаовари назди Президенти Ҷумҳурии Тоҷикистон. Дар давоми 3 сол (2010-2013) дар Тоҷикистон барои содир намудани ҷиноятҳои мухаддиротӣ 164 шаҳрванд аз 11 давлат дастгир шуд, аз ҷумла 109-шаҳрванди ҶИА, 15-Қирғизистон, 10-Русия, 9-Ӯзбекистон,6-Эрон, 5-Покистон, 3-Украина, 2 нафарӣ аз Чин, Қазоқистон, Литва ва 1 нафар аз Арабистон.
«Дар маҷмӯъ дар ин давра аз дастгиршудагони хориҷӣ аз 2,1 тонна воситаи нашъадор, аз ҷумла 391 кг воситаи нашъадори гурӯҳи афюн мусодира шуд. Бештар аз 1,9 тонна маводи мухаддир аз шаҳрвандони Афғонистон мусодира шуд. Ғайр аз ин, аз шаҳрвандони афғон 37 ҳазору 960 доруи диапезам ва аз шаҳрвандони Эрон 62,879  кг метамфетамин мусодира гардид»,-зикр менамояд сарчашма. 
Шумораи шаҳрвандони хориҷие, ки дар ҳудуди Тоҷикистон барои содир намудани ҷиноятҳои мухаддиротӣ дастгир шудаанд,  дар соли гузашта аз 28 ба 43 нафар расид.