Сокини Мастчоҳро ба маҳбас кашиданд
Душанбе, 30.04.2014. (АМИТ «Ховар», Муқаддас Темурзода). — Дирӯз аз ҷониби кормандони Раёсати Агентии назорати маводи нашъаовари назди Президенти ҶТ дар вилояти Суғд муомилоти ғайриқонунии маводи нашъаовар ошкор гардид. Дар ин бора маркази матбуоти АНМН иттилоъ медиҳад.
Ҳангоми гузаронидани чорабиниҳои фаврӣ-ҷустуҷӯӣ дар ноҳияи Мастчоҳ сокини 36-солаи ҳамин ноҳия боздошт шуд.
Манбаъ хабар медиҳад, ки дар вақти кофтукови шахсӣ аз ӯ халтаи полиэтиленӣ мусодира гардид, ки дар дохили он се адад баста бо маводи рангаш сабз мавҷуд буд.
Мувофиқи хулосаи ташхиси судӣ маводи нашъаовари мусодирашуда ҳашиш буда, draculalespectacle.com он қариб чор килограммро ташкил дод.
Аз рӯи ин ҳодиса парвандаи ҷиноӣ оғоз гардида, боздоштшуда ба маҳбас кашида шуд.
Дар айни ҳол чорабиниҳои тафтишотӣ давом доранд.