Таҳкими низоми таҳсил дар синни наврасӣ
Душанбе,14.04.2014. (АМИТ «Ховар», Раъно Нусратуллозода).-Дар пойтахти Руминия шаҳри Бухарест конфронси ҳафтуми кишварҳои минтақаи Аврупо ва Осиёи Марказии Бонки ҷаҳонӣ «Таҳкими низоми таҳсил дар сини наврасӣ. Сармоягузории бармаҳали барои таъмини самаранокии таҳсил» кори худро ба анҷом расонид.
Тавре аз Академияи таҳсилоти Тоҷикистон ба АМИТ «Ховар» иттилоъ доданд, дар конфронс Ҷумҳурии Тоҷикистонро президенти Академияи таҳсилоти Тоҷикистон Ирина Каримова ва муовини вазири маориф ва илми Ҷумҳурии Тоҷикистон Тоҷиниссо Маҳмадова муаррифӣ намуданд.
Тибқи иттилои манбаъ, конфронс ба муҳокимаи масоили низоми таҳсил дар синни наврасӣ (маханизмҳои сохторӣ ва механизмҳои идорӣ, мактабҳо, волидайн ва ҷомеа) бахшида шуда буд, то ки дастгирии судмандро ба ҳама кӯдакон барои омодагӣ ба оғози таҳсил дар мактаб таъмин намояд.