Таҷлили Рӯзи умумиҷаҳонии тандурустӣ дар Тоҷикистон
Душанбе, 08.04.2014. (АМИТ «Ховар, Кристина Эрлих). – 7 апрел дар тамоми ҷаҳон Рӯзи умумиҷаҳонии тандурустӣ таҷлил шуд. Соли ҷорӣ мақсад аз таҷлили ин рӯз ҷилавгирии сирояти бемориҳо ба воситаи ҳашарот буд.Беш аз нисфи мардуми ҷаҳон зери хатари сирояти чунин бемориҳо аз қабили вараҷа, бемории Денге, лейшаманиоз, бемории Лайма, шистосомоз, ва табларза қарор доранд, ки ба воситаи хомушак, пашша, кана, туқумшулӯк ва ҳашароти дигар паҳн карда мешаванд.
Ҳар сол беш аз 1 миллиард нафар одамон дучори бемориҳои ба воситаи ҳашарот сироятшаванда гардида ва зиёда аз 1 миллион нафари онҳо ҳалок мегарданд. Дар ин бора аз Намояндагии Созмони умумиҷаҳонии тандурустӣ дар Тоҷикистон ба АМИТ «Ховар» хабар доданд.
Тайи 20 соли охир бисёр бемориҳои зикршуда аз нав пайдо шуда ва дар минтақаҳои нави ҷаҳон паҳн гардидаанд.
Масалан, бемории Денге, ки онро хомушак паҳн мекунад, дар 100 кишвар ба қайд гирифта шудааст. Вақтҳои охир ин беморӣ дар Чин, Португалия ва иёлати Флоридаи Иёлоти Муттаҳидаи Амрико мушоҳида шудааст.
Мувофиқи хабарҳои нав, тайи 40 соли охир бори нахуст дар Юнон бемории вараҷа ба қайд гирифта шуд, ки ин аз хавфи доимии такроран пайдо шудани уфунат (инфексия) шаҳодат медиҳад.
«Мубориза бо паҳнкунандагони уфунат воситаи асосии ҷилавгирии паҳншавии бемориҳост», — гуфт директори Раёсати Созмони умумиҷаҳонии тандурустӣ оид ба мубориза бо бемории тропикӣ Лоренсо.
Созмони умумииҷаҳонии тандурустӣ дар Рӯзи умумиҷаҳонии тандурустӣ даъват менамояд, ки муборизаи зидди паҳнкунандагони уфунат ва дидани чораҳо барои беҳдошти дастрасӣ ба оби нӯшокии бехатар, санитария ва гигиена вусъат дода шавад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






