Таҷлили зодрӯзи З. Шаҳидӣ ба моҳи октябр гузаронида шуд
Душанбе, 23.04.2014. (АМИТ «Ховар, Екатерина Пасторова). — Масъалаи асосии кори мизи мудаввар, ки имрӯз, 23 апрел, дар шаҳри Душанбе баргузор гардид, иборат аз таҷлили 100 – умин солгарди зодрӯзи бастакор Зиёдулло Шаҳидӣ буд.
Мунира Шаҳидӣ, фарзанди бастакори номӣ, роҳбари Бунёди Зиёдулло Шаҳидӣ, ба мушорикон пешниҳод намуд, ки дар созмонҳои таълимию байналмилалӣ курсҳои лексияҳо дар бораи ҳаёту эҷодиёти З. Шаҳидиро роҳандозӣ намоянд.
Мунира Шаҳидӣ ҳамчунин пешниҳод кард, ки ба маросими таҷлили зодрӯзи бастакори номии Тоҷикистон намояндагони фарҳангу санъати минтақаҳо даъват карда шаванд, зеро бастакор чанде вақт дар Ӯзбекистон зиндагӣ мекард ва дар он ҷо ба дунё омада буд.
Хотирнишон месозем, ки тибқи барнома 100 – умин солгарди зодрӯзи Зиёдулло Шаҳидӣ бояд 14 май таҷлил мешуд. Мунира Шаҳидӣ зимни вохӯрӣ бо намояндагони аҳли ҷамъият пешниҳод намуд, ки интизори моҳи октябр нашуда, дар ин рӯзи фархунда дар Китобхонаи миллии Тоҷикистон бахшида ба Зиёдулло Шаҳидӣ маҳфил ташкил карда шавад. Шоми 14 май дар Театри опера ва балет операи З.Шаҳидӣ «Комде ва Мадан» намоиш дода мешавад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






