Тайёрии футболбозони ҷавон ба мусобиқоти Осиё
Душанбе, 11.04.2014. (АМИТ «Ховар). – Дастаи мунтахаби наврасони Тоҷикистон оид ба футбол дар ҳошияи тайёрӣ ба мусобиқоти Осиё (U-14) дар шаҳри Норак машқ мекунад.
Назар ба хабари менеҷери даста Меҳроҷиддин Холов, машқу тамрини дастаи футболбозони наврас 12 рӯз идома меёбад.
Дастаи мунтахаби наврасон дар ин давра 13 апрел дар шаҳри Душанбе бо клуби «Рамис – Испечак», 16 апрел дар шаҳри Норак бо дастаи «Нури Норак» ва 19 апрел бо дастаи «Сино» — и Донишгоҳи тиббӣ қувваозмоӣ менамояд.
Хотирнишон месозем, ки дастаи мунтахаби наврасони Тоҷикистон дар мусобиқоти Осиё, ки аз 4 то 13 август дар шаҳри Ҳамадони Эрон баргузор мешавад, дар гурӯҳи «В» бо дастаҳои Куриёи Ҷанубӣ, Таиланд ва Ироқ вомехӯрад.