Ташрифи сафирони хориҷӣ ба Тоҷикистон

 Душанбе, 21.04.2014. (АМИТ «Ховар», Мавҷуда Анварӣ). — Рӯзҳои 24 ва 26 апрели соли ҷорӣ Сафири Малайзия дар Ҷумҳурии Тоҷикистон (бо иқоматгоҳ дар Тошканд) Абдул Азиз Хорун ба шаҳри Душанбе ҷиҳати иштирок дар маросими ифтитоҳи намоишгоҳи маориф сафар менамояд.
28 апрел Сафири навтаъйини Австралия дар Ҷумҳурии Тоҷикистон (бо иқоматгоҳ дар шаҳри Маскав) Пол Майлер бо мақсади супоридани нусхаи Эътимоднома ба Вазири корҳои хориҷӣ ба Тоҷикистон ташриф меорад.
28 ва 29 апрел  Сафири навтаъйини Исроил дар Ҷумҳурии Тоҷикистон (бо иқоматгоҳ дар шаҳри Тошканд)  Кармела Шамир бо мақсади супоридани нусхаи эътимоднома ба вазири корҳои хориҷӣ ба Душанбе ташриф меорад.