Таъсиси грантҳо барои дастгирӣ ва рушди ҳунарҳои мардумӣ
Хуҷанд, 15.04.2014. (АМИТ “Ховар”, Абдуаҳад Шарифзода).- Дар шаҳри Хуҷанд қарори раиси шаҳр Раҷаббой Аҳмадзода оид ба таъсиси грантҳо баҳри дастгирӣ ва рушди ҳунарҳои мардумӣ ба тасвиб расид. Мақсад аз таъсиси грантҳо- ин пеш аз ҳама баланд бардоштани мақоми зан дар ҷомеа ва дар ин замина эҳё намудани ҳунарҳои миллии ниёгон бобати дастгирӣ ва рушди ҳунарҳои дастӣ, чун қолинбофӣ, сӯзанидӯзӣ, адрасбофӣ ва ба ин васила таъсис ва бо ҷои кор таъмин намудани занону духтарон ва татбиқи нақшаи чорабиниҳои “Барномаи давлатии тайёр кардани мутахассисон аз ҳисоби занон ва мусоидат ба шуғли онҳо барои солҳои 2012-2015» мебошад.
Бояд гуфт, ки маблағи умумии грантҳо 55 ҳазор сомонӣ буда, он дар се самт: рушди ҳунарҳои дастии қолинбофӣ, сӯзанидӯзӣ ва адрасбофӣ амалӣ шуда, дар он занҳои ҳунарманд ва соҳибкору шахсони алоҳидаи воқеӣ, ки фаъолияташон баҳри дастгирӣ ва рушди ҳунарҳои дастӣ равона шудааст, иҷозати иштирок доранд.
Муҳлати татбиқи ҳар як лоиҳа на камтар аз 6 моҳ муқаррар шудааст.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






