Темур Раҳимов — барандаи Ҷоми Аврупо оид ба дзюдо

Апрель 7, 2014 11:40

Душанбе, 7.04.2014 (АМИТ «Ховар»).- Темур Раҳимов, варзишгари тоҷик дар Ҷоми Аврупо оид ба дзюдо байни наврасон дар шаҳри Твери Русия медали тилло ба даст овард.
Тавре ки сомонаи расмии Кумитаи миллии олимпии Тоҷикистон иттилоъ медиҳад, дар ин мусобиқа, ки рӯзҳои 5-6-уми апрел дар шаҳри Твери Русия баргузор шуд, 302 варзишгар (писарону духтарони солҳои таваллудашон 1997-1999) аз 23 кишвар иштирок кард. Мусобиқа таҳти сарпарастии Иттиҳоди дзюдои Аврупо ва дастгирии Вазорати варзиш ва Федератсияи дзюдои Русия, ичунин ҳукумати вилояти Твер баргузор шуд.
Ба ҳайати мунтахаби Тоҷикистон 21 дзюдочии наврас, аз он ҷумла ду духтар, инчунин се мураббӣ аз макотиби варзишӣ ва бошгоҳҳои Душанбе, ноҳияи Рӯдакӣ, ҷамъиятҳои тоҷикони Твер ва Иркутск дохил буданд. 
Паҳлавони ҷавони тоҷик Темур Раҳимов баъди ду пирӯзӣ бар Кебан Николай (Молдова) ва Иван Тачков (Русия), дар даври ниманиҳоӣ бар Акош Жоо (Маҷористон) ва дар қувваозмоии ниҳоӣ бар Дамир Салюков (Русия) дастболо шуд.
Ёдовар мешавем, ки Темур Раҳимов моҳи марти соли равон дар Ҷоми Аврупо оид ба дзюдо байни наврасони солҳои таваллудашон 1997-1999 дар Туркия медали биринҷӣ ба даст овард.
Дар Ҷоми Аврупо дар Твер дар ҳисоби умумидаставӣ тими мунтахаби Русия бо касби 13 медали тилло, 11 нуқра ва 23 биринҷӣ ғолиб шуд. Дастаи мунтахаби Маҷористон бо касби як медали тилло ва ду медали биринҷӣ дар ҷойи дуввум қарор гирифт. Тими мунтахаби Тоҷикистон, ки як нишони тилло (инчунин 2 ҷойи панҷум ва як ҷойи ҳафтум) гирифт, мақоми севвумро соҳиб шуд. Дастаи мунтахаби Украина бо як медали тилло ҷойи чаҳорумро гирифт.
Баъди анҷоми мусобиқот гӯштингирони наврас дар ҷамъомади серӯзаи таълимиву тамринӣ, ки аз 7-ум то 9-уми апрел дар Твер барпо мегардад, иштирок мекунанд.
 
 
 

Апрель 7, 2014 11:40

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид