Тоҷикистон ва Қирғизистон: имконоти соҳибкорӣ ва сармоягузорӣ

Апрель 25, 2014 14:45

 Душанбе, 25.04.2014. (АМИТ “Ховар”). — 24 апрели соли 2014 дар ш.Брюссел дар Донишгоҳи Весалиус мизи мудаввар дар мавзӯи “Тоҷикистон ва Қирғизистон: имконоти соҳибкорӣ ва сармоягузорӣ ва нақши Иттиҳоди Аврупо дар дастгирии корхонаҳои хурду миёна”, ки муштаракан аз ҷониби намояндагиҳои доимии Тоҷикистону Қирғизистон дар Иттиҳоди Аврупо бо дастгирии барномаи Комиссияи Аврупо «Central Asia Invest» ва созмони ғайриҳукуматии «Cesvi» ташкил  шуд, барпо гардид.
Дар чорабинӣ ду ҳайати намояндагони баландпояи Тоҷикистону Қирғизистон, аз ҷумла коршиносони соҳаи иқтисодиёт, савдо ва соҳибкорӣ, намояндагони Комиссияи Аврупо, Парлумони Аврупо, Хадамоти аврупоии амалиёти хориҷии Иттиҳоди Аврупо, Созмони умумиҷаҳонии гумрук, Паймони Нерӯ, Вазорати корҳои хориҷии Шоҳигарии Белгия, доираҳои соҳибкории кишвари иқомат, аз ҷумла Палатаи савдо ва саноати Белгия, идораҳои савдо ва тиҷорати Фландрия ва Валлония ширкат варзиданд.
Вакили Парлумони Аврупо Струан Стивенсон ҳамчун модератори мизи мудаввар баромад намуд. 
Намояндаи доимии Ҷумҳурии Тоҷикистон дар Иттиҳоди Аврупо, сафир Рустамҷон Солиев, Намояндаи доимии Ҷумҳурии Қирғизистон дар Иттиҳоди Аврупо, сафир Асейн Исаев ва директори Департаменти Аврупои Шарқӣ ва Марказии Вазорати корҳои хориҷии Белгия Гюнтер Слюваген ба чорабинии мазкур ҳусни ифтитоҳ бахшиданд. 
Дар мизи мудаввар муовини вазири рушди иқтисод ва савдои Ҷумҳурии Тоҷикистон Гулрӯ Қаюмова иқтидори иқтисодӣ ва фазои сармоягузории Тоҷикистонро муаррифӣ намуд. Раиси Иттиҳодияи миллии соҳибкории хурду миёнаи Тоҷикистон Насибахон Аминова ба ҳозирин дар бораи чораҳои кишвар дар ҷодаи татбиқи стандартҳои савдои боадолат маълумоти муфассал пешниҳод кард. Мусоидат ба рушди бахши хусусӣ, аз ҷумла корхонаҳои хурду миёна, инчунин ҳолати кунунӣ ва дурнамои инкишофи косибӣ дар Тоҷикистон ва Қирғизистон мавзӯи алоҳидаи муҳокимарониҳо буд. Дар фарҷоми чорабинӣ намоиши намунаҳои беҳтарини косибии мардуми тоҷик сурат гирифт.       
 
 

Апрель 25, 2014 14:45

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид