Вакилон ба дидорбинӣ бо интихобкунандагон мераванд
Душанбе, 26.04.2014.(АМИТ «Ховар», Марзия Саидзода).- Аз 28 апрел то 4 майи соли равон вакилони палатаи поёнии Парлумони мамлакат -Маҷлиси намояндагон ба вилоятҳои Суғд, Хатлон, Бадахшон ва ноҳияҳои тобеи кишвар сафар менамоянд.Намояндагони мардумӣ дар Парлумон зимни вохӯриҳо бо интихобкунандагон доир ба Паёми ироанамудаи Президенти Ҷумҳурии Тоҷикистон ба Маҷлиси Олии кишвар, инчунин атрофи ҳифзи арзишҳои миллӣ, ободониву созандагӣ ва санадҳои меъёрию ҳуқуқие, ки аз сӯи вакилони Парлумон қабул гардидаанд, суҳбат менамоянд.