Вохӯрии дастаҳои Тоҷикистону Афғонистонро ҳакамҳои Қазоқистон доварӣ мекунанд

Душанбе, 29.04.2014. (АМИТ «Ховар). –  Вохӯрии  рафиқонаи  байни  дастаҳои  мунтахаби  миллии Тоҷикистону Афғонистонро, ки  4  май   дар  шаҳри  Душанбе  баргузор  мегардад,  гурӯҳи   ҳакамҳои  Қазоқистон  бо  роҳбарии  ҳаками  27 – солаи  ФИФА  Александр  Алиев  доварӣ  мекунанд. Ба  мавсуф  доварони  ФИФА Сергей  Васютини 27 – сола  ва  Самад Тергеусизови  28 – солаи  шаҳри  Алмаато  кӯмак  менамоянд. 
Назар  ба  хабари  Федератсияи  футболи  Тоҷикистон, Александр  Алиев, ки аз  ин  пеш  дар  клубҳои «Алмаато», «Тараз» ва  дастаи  мунтахаби  наврасони  Қазоқистон  (U- 19) қувваозмоӣ  мекард,  аз  соли гузашта  инҷониб довари ФИФА ба шумор  меравад.