Вохӯрии Р. Назаров бо рӯзноманигорони ВАО-и муқими Тоҷикистон

Апрель 28, 2014 09:41

Душанбе, 28.04.2014. (АМИТ «Ховар», Мавҷуда Анварӣ). —  Дар Агентии назорати маводи нашъаовари назди Президенти ҶТ вохӯрии ғайрирасмии директори агентӣ Рустам  Назаров бо як гурӯҳ рӯзноманигорони Васоити ахбори оммаи муқими Тоҷикистон баргузор гардид. Зимни суҳбат масъалаҳои ҳамкории Васоити ахбори омма ва шуъбаи равобит бо ҷомеаи агентӣ, ҳамкорӣ бо рӯзноманигорон дар соҳаи пешгирии нашъамандӣ ва тарғиби тарзи солими ҳаёт, инчунин масъалаҳои омода намудани рӯзноманигорон, ки масъалаҳои назорати муомилоти маводи нашъаоварро инъикос менамоянд, баррасӣ гардиданд. 
“Мақсади вохӯрии мо аз он иборат аст, ки мо тавонем тавассути Васоити ахбори омма ба ҷамъият иттилооти боэтимодро дар бораи вазъи вобаста ба маводи нашъаовар пешниҳод намоем”, — иброз намуд роҳбари агентӣ. 
Инчунин ба рӯзноманигорон иттилоот дар бораи натиҷаи фаъолияти агентӣ дар мубориза бар зидди муомилоти ғайриқонунии маводи нашъаовар ва пешгирии нашъамандӣ дар семоҳаи аввали соли 2014 пешкаш гардид. 
 
 
 

Апрель 28, 2014 09:41

Хабарҳои дигари ин бахш