Ягон омӯзгор муҷозот нашудааст
Хоруғ, 15.04.2014. (АМИТ «Ховар», Файз Мирасан).-Дар доираи нақшаи корӣ ва рӯзи ягонаи ҳуқуқӣ мулоқоти роҳбарони Суди иқтисодии ВМКБ дар мактаби ҷамоати деҳоти Ванқалъаи ноҳияи Шуғнон бо омӯзгорону соҳибкорон баргузор гардид. Раиси Суди иқтисодии вилоят Давлатмо Додихудоева оид ба Қонун “Дар бораи масъулияти падару модар”,Қонун “Дар бораи танзими расму оин ва анъана ва Қонун “Дар бораи муроҷиати шаҳрвандон” сухан гуфт ва ба суолҳои ҳозирин посух дод. Раиси суди иқтисодӣ бо нигаронӣ аз афзоиши ҷинояткорӣ аз ҷониби наврасон дар ҷумҳурӣ ва ҳодисаҳои худкушӣ масъулияти падару модар ва омӯзгоронро дар тарбияи фарзанд ва хонандагон ёдовар шуда, аз онҳо даъват намуд, ки дар тарбияи насли наврас ва ҷавон саҳми бештар гузоранд. Раиси суди иқтисодӣ изҳор дошт, ки барои нақзи қонуни масъулияти падару модар дар вилоят мавридҳое ҳастанд, ки волидон ба ҷавобгарии маъмурӣ кашида шудаанд. Хушбахтона, ягон нафар омӯзгор барои иҷро накардани ин қонун муттаҳам нашудааст. Вале, ҳодисаҳое ҷой доранд, ки омӯзгорон бидуни зарурат талабаро аз дарс ҷавоб медиҳанд ва чунин муносибат ба беҳудагардии хонандагон бурда мерасонад. Аз ин рӯ омӯзгоронро зарур аст, ки ба ин паҳлӯи хаёти кӯдакон таваҷҷуҳи бештар зоҳир намоянд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






