Ҳалокати духтари ҷавон зери чархи қатора

Душанбе, 02.05.2014. (АМИТ «Ховар,  Лайло  Тоирӣ). —  Назар  ба  хабари  маркази  матбуоти ВКД  ҶТ,  чанд  рӯз пеш  духтари  20 – сола —  сокини  шаҳри  Душанбе зери  чархи  қатора ҳалок  гардид. 
Субҳи 30  апрел қаторае, ки  аз  истгоҳи «Душанбе – 1» сӯи истгоҳи  «Душанбе – 2» ҳаракат  мекард,  дар  пули воқеъ дар  кӯчаи  Федин  шаҳрванд  Элмира  Аҳмадиеваро  пахш  намуд.
Назар  ба хабари  манбаъ,  духтари  ҳалокшуда  ҳангоми  гузаштан  аз  роҳи  оҳан  зери  чархи  қаторае гардид, ки  онро Муртазоқул  Қаюмов ва  ёрдамчии  ӯ  Хайриддин  Одинаев  идора  мекарданд.
Элмира  Аҳмадиева бар  асари  бардоштани  ҷароҳатҳои  вазнин  дар  маҳалли  ҳодиса  ҳалок  гардид.