«Ҳофизхонӣ» дар Китобхонаи миллӣ

Душанбе, 24.05.2014. (АМИТ «Ховар», Раъно Нусратуллозода).-Дирӯз дар Китобхонаи миллии Тоҷикистон маҳфили «Ҳофизхонӣ» таҳти роҳбарии Шоири халқии Ҷумҳурии Тоҷикистон Аскар Ҳаким баргузор гардид.Дар маҳфили «Ҳофизхонӣ» дӯстдорони аҳли илму адаб ва донишҷӯёну каломи мавзуни Ҳофиз иштирок доштанд. 
 Маҳфили навбатӣ бо байти “Сабо, ба лутф бигӯ он ғизоли раъноро” оғоз шуд. Баъдан шоир, муҳаққиқ Аскар Ҳаким, ки роҳбарии ин маҳфилро бар уҳда дорад,  ба таҳлили ин абёт шурӯъ карда афзуд, ки шоир дар ин байт маънии осмониро дар назар дорад, дар ин мисраъ калимаи адабро бисёр риоят кардааст ва калимаи раъноро барои намоён кардани чеҳраи маъшуқ истифода бурда, истиора аз маъшуқ медонад.
 Баъдан меҳмонони маҳфил адабиётшиносон оид ба ин ғазал фикру андешаҳояшонро иброз доштанд.
Маҳфили «Ҳофизхонӣ» бо ибтикори КМТ моҳе ду маротиба гузаронида шуда, ин маҳфили чорум ба шумор меравад.